APNABI Autismoa Bizkaia
Estrategia 20>30
Plan estrategiko berria, AENdun pertsonen eta haien familien bizi-proiektua errazteko xedean aurrera egiten jarraitzeko
APNABI Autismoa Bizkaia
4 ARDATZ NAGUSI:
1. Bizitza proiektuak
Pertsona bakoitzari bere bizi-proiektua garatzen laguntzea, arlo guztietan eta bere bizi-ibilbidean zehar, horretarako laguntza eta aukerak emanez.
2. Familia gara
Gure elkarte-mugimendua indartzea, autismoa duten pertsona guztiei eta haien familiei gure irismena eta laguntza-sarea zabalduz, haien aniztasuna kontuan hartuta eta Bizkaia osoan.
3. APNABI eredua
AENdun pertsonek eta haien familiek ahalik eta parte-hartze eta bizi-kalitate handiena izan dezaten esku hartzeko gure eredua garatzea, konpromisoa eta lerrokatutako praktika profesionala sustatuz.
4. Gizartea
Gizartea aldatzen laguntzea, autismoa duten pertsonentzat eta haien familientzat guztiz barneratzailea eta irisgarria izan dadin, antolamendu etikoa eta gizartearekin konprometitua izanik.
ZEHARKAKO ARDATZA, EUSTEKO ETA BULTZATZEKO:
5. Erakunde osasungarria, jasangarria eta berritzailea
Erantzunkidetasunetik pertsonen osasuna sustatuko duen antolakuntza-eredu bat garatzea, kudeaketan bikaina eta jasangarria izango dena eta etengabeko berrikuntzaren alde egingo duena. Genero-berdintasuna bermatuz, euskararen normalizazioa lagunduz eta komunikazio hurbil eta irisgarria bultzatuz.
APNABI Autismo Bizkaia irabazi asmorik gabeko elkartea gara, interes publikokotzat deklaratua, autismoaren espektroko nahasmena (AEN) duten Bizkaiko pertsona eta familiak biltzen dituena. Gure jarduera-eremuan erreferentziazko erakundea gara.
70eko hamarkadaren amaieran jaio ginen, beren seme-alabentzat etorkizun hobea eraikitzeko elkartu ziren guraso talde baten ekimenez. Gaur 1.200 familia baino gehiago dira bazkide eta AENdun pertsonei eta haien familiei beren bizi-proiektuak garatzen eta finkatzen laguntzeko xedean aurrera egiten jarraitzen dugu.
Plan Estrategiko berria, 20>30 Estrategia izenekoa, hurrengo hamarkadan gure elkartea gidatuko duen mapa marraztu nahi duen partaidetza-prozesu batetik sortu da, 2030. urtera begira. Etorkizuna hemen da.
1. Bizitza proiektuak
Pertsona bakoitzari bere bizi-proiektua garatzen laguntzea, arlo guztietan eta bere bizi-ibilbidean zehar, horretarako laguntza eta aukerak emanez.
Helburu estrategiko hauek ditugu:
- AENdun pertsona bakoitzaren bizi-proiektua lagundu eta erraztea, horrela bere bizi-kalitatean emaitza positiboak sortzen lagunduz.
- AENdun pertsona guztien eskubideen ezagutzan, defentsan eta erabileran ahalduntzea zaindu, jardun eta sustatzea.
- Elkarlaneko erantzuna ematea (barnekoa, erakundearen barruan, eta kanpokoa, komunitatearen baliabideekin), pertsona bakoitzaren bizi-proiektua errazteko.
- Bizi ibilbide osoan zerbitzu eta programa desberdinak eskaini eta erraztea, pertsonen beharrak aurreratzea eta horien araberako erantzunak diseinatzea.
2. Familia gara
Gure elkarte-mugimendua indartzea, autismoa duten pertsona guztiei eta haien familiei gure irismena eta laguntza-sarea zabalduz, haien aniztasuna kontuan hartuta eta Bizkaia osoan.
Helburu estrategiko hauek ditugu:
- APNABI Familiak lurralde osoan dituen beharrei erantzunak eta laguntzak diseinatu eta garatzea, haren beharrak eta itxaropenak ezagutuz eta horiei aurrea hartuz.
- Elkartea indartzea, APNABI familiako kide izatearen zentzua hobetuz eta elkarte gisa dugun ordezkagarritasuna eta TEA duten pertsonek APNABIn duten zeregina ikusaraziz.
3. APNABI eredua
AENdun pertsonek eta haien familiek ahalik eta parte-hartze eta bizi-kalitate handiena izan dezaten esku hartzeko gure eredua garatzea, konpromisoa eta lerrokatutako praktika profesionala sustatuz.
Helburu estrategiko hauek ditugu:
- APNABI ereduaren gizarte-onarpena, barne- eta kanpo-mailan.
- APNABIren eta erakunde osoaren praktika profesionala ereduarekin bat etortzea eta konpromisoa sustatzea (kultura-aldaketaren prozesua eta ereduaren barneratzea).
4. Gizartea
Gizartea aldatzen laguntzea, autismoa duten pertsonentzat eta haien familientzat guztiz barneratzailea eta irisgarria izan dadin, antolamendu etikoa eta gizartearekin konprometitua izanik.
Helburu estrategiko hauek ditugu:
- AENfun pertsonen eta haien familien sentsibilizazioa, parte-hartze soziala eta ikusgarritasuna: AENdun pertsonentzako eta haien familientzako gizarte inklusibo eta irisgarria aldatzen laguntzea.
- Transformazioaren buru izatea, ingurunean eraginez eta jakintza espezializatuaren ekarpenean eta esku-hartze ereduan erreferente izanik.
- Gizartearekiko dugun konpromisoa garatzen eta ikusarazten aurrera egitea, sozialki arduratsua den eta sortzen duen eragina neurtzen eta balioesten duen erakundea den aldetik.
5. Erakunde osasungarria, jasangarria eta berritzailea
Erantzunkidetasunetik pertsonen osasuna sustatuko duen antolakuntza-eredu bat garatzea, kudeaketan bikaina eta jasangarria izango dena eta etengabeko berrikuntzaren alde egingo duena. Genero-berdintasuna bermatuz, euskararen normalizazioa lagunduz eta komunikazio hurbil eta irisgarria bultzatuz.
Helburu estrategiko hauek ditugu:
- Erakunde osasungarri eta segurua lortzea, profesionalen osasuna sustatuz, lana orekatuz, kontziliazioa sustatuz eta bizitza osasuntsua sustatuz.
- Ekonomia- eta finantza-mailan jasangarritasuna lortzea, bere jarduerak garatzeko beharrezkoak diren baliabideekin. Hazkuntzari, etorkizuneko erronkei eta beharrei aurre egiteko egokia den zeharkako sozietate- eta antolaketa-egitura izatea.
- Kudeaketa Aurreratuko Sistemaren inplementazioan aurrera egitea.
- Zeharkako garapen teknologikoa sustatzea.
- Kultura sortzea eta berrikuntza sistematizatzea APNABIn.
- AENdun pertsonentzat komunikazio irisgarria lortzea, positiboa eta hurbilekoa.
- Lidergotza eta zeharkako bultzada estrategikoa.
